Ховд аймгийн ИТХ болон ОХУ-ын Бүгд найрамдах Тува улсын Дээд хурлын хамтын ажиллагааны хүрээнд Бүгд Найрамдах Тува Улсын Дээд Хурлын (Парламент) Үндсэн хууль, эрх зүйн бодлого, төрийн байгуулалтын хорооны дарга Осмоловская Людмила Леонидовнагаар ахлуулсан ажлын хэсэг Ховд аймагт ажиллах үеэрээ Жаргалант сумын 16-р цэцэрлэгийн үйл ажиллагаатай танилцлаа.
Энэ үеэр 16-р цэцэрлэгийн бяцхан багачууд Монгол өв уламжлал, ёс заншлыг харуулсан урлагийн үзүүлбэрээр Тува улсаас ирсэн зочдод мэндчилгээ дэвшүүллээ.
Мөн Ховд аймгийн сургуулийн өмнөх боловсролын байгууллагын орчин нөхцөл, анги танхим, хүүхэд хөгжүүлэх сайн туршлагуудтай танилцлаа.
Цаашид хамтын ажиллагааны хүрээнд сургуулийн өмнөх боловсролын багш нарын туршлага судлах боломжийн талаар санал солилцов.
Тува улсын Дээд хурлын зочид, төлөөлөгчдийг халуун дотноор хүлээн авсан Жаргалант сумын 16 дугаар цэцэрлэгийн хамт олондоо баярлалаа.
